სესია იქნება "Android-ის" ეკოსისტემაში არსებული უსაზღვრო შესაძლებლობების შესწავლაზე, რომელიც გამდიდრებულია "MediaPipe-ის" ბოლოდროინდელი სიახლით - "Google-ის" მძლავრი "open-source" ფრეიმვორკით. 
სესიას წარუძღვება ტატო კუტალია, "Google-ის" დეველოპერების ექსპერტი "Android-ისთვის".
სესია ჩატარდება პარასკევს 17 ნოემბერს (17/11/2023), 17:00-ზე, თსუ-ის XI კორპუსში, 101-ე აუდიტორიაში.
თანამედროვე ანდროიდი ძალიან მრავალფეროვანია და შესაძლებლობებით სავსე. უახლესი პროდუქტი MediaPipe, არნახულ ამბებს გვპირდება. ამ სესიაზე ვისაუბროთ მანქანური სწავლების შესაძლებლობებზე ანდროიდში და გამოყენების არეალზე.
"Android", აღიარებული, როგორც მსოფლიოში ყველაზე ფართოდ გამოყენებული მობილური ოპერაციული სისტემა, მოქნილობისა და ინოვაციის სიმბოლოა. მილიარდობით მოწყობილობაში ის უზრუნველყოფს მრავალფუნქციური და მოსახერხებელი გარემოს შექმნას, რომელსაც აფასებენ როგორც დეველოპერები, ასევე მომხმარებლები. ჩვენს სესიაზე ყურადღებას გავამახვილებთ "MediaPipe-ზე" - უახლეს პროდუქტზე, რომელიც მორგებულია რეალურ დროში მულტიმედიური დამუშავებისთვის. "Google-ის" მიერ შექმნილი "MediaPipe" აძლევს დეველოპერებს შესაძლებლობას, უპრობლემოდ ჩართონ მანქანური სწავლების და "Computer Vision" პრინციპები თავიანთ აპლიკაციებში.
